Fréttir

Egill Blöndal, Sveinbjörn Iura og Jón Þór Þórarinsson landsliðsþjálfari lögðu af stað í gær til Kanada en Montreal Grand Prix hefst á morgun, föstudaginn 5 júlí og stendur í þrjá daga. Þátttakendur koma frá 6 heimsálfum og 50 þjóðum, 136 karlar og 113 konur alls 249 keppendur. Það vekur athygli að það er aðeins einn Frakki á meðal þátttakenda en það er þó engin aukvisi. Það er enginn annar en Teddy Riner tífaldur heimsmeistari í þungavigt en hann hefur ekki keppt í eitt og hálft ár og er að hefja keppni á ný til að stimpla sig inn á Ólympíuleikana 2020 og verður örugglega skemmtilegt að fylgjast með honum en hans fyrsta viðureign er á sama velli og Egill og þremur glímum á eftir honum. Sveinbjörn keppir á laugardagin í 81 kg flokki þar sem keppendur eru 27 og Egill á sunnudaginn í 90 kg flokki þar sem keppendur eru 18. Búið er að draga og hér er keppnisröðin. Sveinbjörn fær ungan en öflugan andstæðing en hann mætir bronsverðlaunahafa Juniora frá HM 2018 Alexandre Arencibia frá Kanada og er það fjórða viðureign á velli 1 . Egill var tiltölulega heppninn með andstæðing þó ekkert sé öruggt í þeim efnum en hann mætir Geronimo Saucedo frá Mexico og á hann þriðju viðureign á velli 2. Montreal Grand Prix verður í beinni útsendingu og hefst kl. 11:30 í Kanada eða kl. 15:30 á okkar tíma. Að loknu móti taka þeir Egill og Sveinbjörn svo þátt í alþjóðlegum æfingabúðum frá 8-12 júlí.

Þá er keppni lokið hjá Sveinbirni Iura á Evrópumótinu að þessu sinni. Því miður komst hann ekki áfram en hann tapaði viðureign sinni gegn Ivaylo Ivanov frá Búlgaríu en Ivaylo komst hins vegar alla leið í úrslitin og endaði með silfrið. Sveinbjörn fékk shido eftir tæpa mínútu fyrir að fara út fyrir völlinn og stuttu seinna var skorað á hann wazaari. Þegar glímutíminn var um það bil hálfnaður náði Búlagarinn góðu kasti og sigraði á ippon og þar með var keppninni lokið hjá Sveinbirni. Hér eru öll úrslitin og viðureignin hans Sveinbjörns má sjá hér fljótlega. Á morgun verður keppt í -78kg og +78kg kvenna og í -90kg, -100kg, +100kg flokkum karla og á þriðjudag verður keppt í liðakeppni.

Evrópuleikarnir eru haldnir í Minsk þessa dagana og hefst Evrópumeistaramótið í júdo nú um helgina. Við erum því miður aðeins með einn keppanda að þessu sinni á meðal 393 þátttakanda. Staða Sveinbjörns Iura á heimslistanum í -81 kg flokknum gaf honum keppnisrétt en hann var í 31 sæti af 38 keppenda kvóta. Egill Blöndal stefndi einnig á þátttöku í -90kg flokknum þar sem kvótinn var 35 keppendur en þar sem hann var það lengi frá keppni vegna meiðsla gékk það ekki upp. Dregið var í gær og hófst keppnin í dag laugardag í kvennna flokkum -48kg, -52kg, -57kg og karlaflokkum -60kg, -66kg. Á sunnudaginn verður keppt í -63kg og -70kg flokkum kvenna og -73kg og -81kg flokkum karla. Á mánudaginn verður svo keppt í -78kg og +78kg kvenna og í -90kg, -100kg, +100kg flokkum karla og á þriðjudag verður liðakeppnin. Sveinbjörn keppir á morgun í –81 kg flokknum og er óhætt að segja að hann hefði getað verið heppnari með dráttinn en hann mætir Ivaylo Ivanov frá Búlgaríu sem er í tólfta sæti heimslistans, silfur og gullverðlaunahafi á Grand Slam og Grand Prix mótum 2018 og 2019. Keppnin verður í beinni útsendingu og hefst kl. 7:30 að íslenskum tíma. Keppnisröðin er hér en Sveinbjörn á tuttugustu viðureign á velli þrjú sem ætti að vera um kl. 8:40. Faðir Sveinbjörns, Yoshihiko Iura er honum til aðstoðar.

Þá er fimmta Challenge International de la Ville de Differdange mótinu lokið í Luxembourg. Keppendur, þjálfarar og foreldrar alls tuttugu og tveir aðilar flugu til Brussel og keyrðu þaðan í bílaleigubílum til Luxemborgar og eru væntanleg aftur heim á morgun. JR- ingar voru með tíu keppendur og unnu þeir til fimm verðlauna, fjögur gull og eitt brons og urðu einnig í fjórða til fimmta sæti í nokkrum flokkum. Glæsileg frammistaða það. Emma Thueringer og Orri Helgason unnu gullverðlaun í U11, Helena Bjarnadóttir og Matas Naudziunas unnu gullverðlaun í U13 og Daniele Kucyte vann bronsverðlaunin í U15 ára. Þau Elías Þormóðsson, Jónas Guðmundsson, Romans Psenicnijs, Daron Hancock og Aðalsteinn Björnsson stóðu sig einnig mjög vel og unnu nokkrar viðureignir en það dugði þeim þó ekki til verðlauna. Marija Dragic Skúlason dæmdi á mótinu og stóð sig vel og fékk þar dýrmæta reynslu sem mun nýtast henni í dómgæslu hér heima. Þjálfarar JR þeir Guðmundur B. Jónasson, Þormóður Árni Jónsson og Bjarni Skúlason eiga hrós skilið fyrir frammistöðu barnanna en þeir hafa sinnt þjálfun þeirra af ótrúlega mikilli elju og áhuga. Foreldrum barnanna skal einnig hrósað en þeir hafa verið mjög virkir og tekið þátt í starfinu hér heima með ýmsum hætti og einnig þegar þeir hafa haft tök á fylgt keppendum á erlend mót og aðstoðað þjálfarana við að halda utan um hópinn og eiga þeir þakkir skildar fyrir það. Til hamingju með árangurinn.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Fjölmennt lið úr yngsta aldursflokki JR lagði af stað í dag til Luxemborgar. Þar munu þau keppa á alþjóðlegu móti sem haldið verður á morgun, laugardaginn 8. júní í Differdange. Þau kepptu á þessu móti í fyrsta skipti í fyrra og náðu þá glæsilegum árangri en þá unnu þau fimm gullverðlaun í aldursflokki U11 ára. Mótið heitir Challenge International  de la Villa Differdange og er fyrir bæði kynin í aldursflokkum U9 – U11 – U13 – U15 og U18. Við keppum í  aldursflokkum U11, U13 og núna einnig í U15. Í fyrra vorum við með sex keppendur en í ár verða þeir tíu og þeim fylgja  þjálfarar og foreldrar en hópurinn telur alls tuttugu og tvo aðila. Keppendur okkar í U11 eru þau Emma Thueringer og Orri Helgason, í U13 eru þau Helena Bjarnadóttir, Elías Þormóðsson, Jónas Guðmundsson, Matas Naudziunas og Romans Psenicnijs og í U15 þau Daniele Kucyte, Daron Hancock og Aðalsteinn Björnsson. Því miður komust þau Weronika Komendera og Mikael Ísaksson ekki með að þessu sinni en þau voru með í fyrra. Þetta er í fimmta sinn sem þetta mót er haldið og hefur keppendum og þátttökuþjóðum fjölgað verulega frá því að það var fyrst haldið2015 en þá voru keppendur 107 frá þremur þjóðum (LUX, FRA, GER) og keppt á tveimur völlum. Í fyrra var keppt á fjórum völlum og þátttökuþjóðirnar orðnar tíu og keppendur vel yfir þrjúhundruð. 

• 

• 

Þá er keppni lokið á Smáþjóðaleikunum að þessu sinni og unnum við til fernra verðlauna, eitt silfur og þrjú brons en það voru þeir Alexander Heiðarsson -60 kg, Árni Pétur Lund -81 kg og Þór Davíðsson -100 kg sem unnu til bronsverðlauna en Egill Blöndal -90 kg vann silfurverðlaunin. Breki Bernhardsson -73 kg keppti um bronsverðlaunin en tapaði þeirri viðureign og varð í fimmta sæti og í liðakeppninni urðu bæði karla og kvennaliðin í fimmta sæti. Hér eru öll úrslitin í einstaklingskeppninni og liðakeppninnni.

Liðakeppnin fer fram í dag á Smáþjóðaleikunum og er hægt að fylgjast með framvindu keppninnar hér. Eins og staðan er núna þá hefur kvennasveitin lokið keppni og endaði hún í fimmta sæti. Sveitir Íslands, Andorra og Luxemborg voru með jafn marga vinninga en fjöldi einstaklingsvinninga og innbyrðis viðureignir réði endanlegri niðurröðun. Síðar í dag keppa svo til úrslita sveitir Monako og Kýpur í kvennasveitum en í karlasveitum keppa til úrslita Svartfjallaland og Kýpur og um bronsverðlaunin keppa annarsvegar sveitir Andorra og Liechtenstein og hinsvegar sveit Íslands gegn Luxemborg.

Þá er keppni lokið á GSSE 2019 í einstaklingskeppninni og unnum við til fernra verðlauna, eitt silfur og þrjú brons en það voru þeir Alexander Heiðarsson, Árni Lund og Þór Davíðsson sem unnu til bronsverðlauna en Egill Blöndal komst lengst okkar manna en hann vann silfurverðlaunin. Egill glímdi til úrslita í -90 kg flokki við Schwendinger frá Lichtenstein. Egill skoraði snemma í glímunni og var sókndjarfur alla glímuna og leiddi. Þegar 24 sekúndur voru eftir jafnaði andstæðingur hans og fór glíman í gull skor. Því miður bar andstæðingur hans sigur úr bítum eftir að hafa skorað wazaari. Breki Bernharðsson glímdi um bronsverðlaunin í -73 kg flokki á móti Cedric Bessi frá Mónakó. Breki leiddi glímuna og var kominn wazaari yfir og glímdi vel og allt stemmdi í sigur. En undirlokinn var hann óheppinn og hleypti Mónakó manninum og of nálægt sér sem nýtti það og kastaði honum á O sota gari og tapaði Breki þar með glímunni og endaði í 5. sæti. Árni Pétur Lund glímdi um bronsverðlaunin í -81 kg flokki við andstæðing frá Möltu sem heitir Camillieri. Árni glímdi vel og stjórnaði glímunni en var óvænt kastað en ekki á ippon og náði hann að vinna sig í fastatak þar sem hann hélt Möltu manninum og vann sigur og þar með bronsverðlaunin. Þór Davíðsson glímdi í – 100 kg flokknum við Bezzina frá Möltu og var það hörkuglíma og mjög jöfn. Andstæðingur Þórs var komin með 2 shido en Þór eitt. Í miðri glímu skoraði andstæðingur hans wazaari og Þór þá kominn undir í glímunni. Þegar um 20 sekúndur voru eftir af glímunni fór Þór í gólfið með andstæðing sinn og náði að snúa honum á síðustu sekúndu glímunar og hélt honum þar til hann sigraði og bronsið var hans. Alexander Heiðarsson og Dofri Bragason mættust í bronsglímum í -60 kg flokki sem endaði með sigri Alexanders. Aðrir keppendur stóðu sig með sóma en komust ekki á pall að þessu sinni. Nú verður hvílt í einn dag og svo keppt í liðakeppninni á fimmtudaginn.

• 

• 

• 

• 

• 

• 

Það eru ellefu keppendur í júdo frá Íslandi sem keppa í dag á Smáþjóðaleikunum sem haldnir eru í Budva í Svartfjallalandi. Keppendur okkar eru Ingunn Sigurðardóttir -70, Ásta Arnórsdóttir -63, Alexander Heiðarsson -60, Dofri Bragason -60, Ingólfur Rögnvaldsson -66, Breki Bernhardsson -73, Gísli Egilson -73, Árni Lund -81, Egill Blöndal -90, Ægir Valsson -90 og Þór Davíðsson -100. Þjálfari er Jón Þór Þórarinsson, aðstoðarþjálfari er Logi Haraldsson og farastjóri Birgir Ómarsson. Í dag verður keppt í einstaklingskeppninni en liðakeppnin verður svo á fimmtudaginn. Því miður er ekki bein útsending frá mótinu en hægt er að fylgjast með framvindu keppninnar hér og hér. Fylgist einnig með JSÍ Instagram sem verður í gangi á mótinu.

• 

• 

• 

• 

Því miður tapaði Sveinbjörn Iura viðureigninni á Grand Prix Hohhot í Kína gegn Rigaqi Nai.  Sveinbjörn byrjaði mjög vel og skoraði fljótlega wazaari. Hann virkaði sterkari aðilinn og stjórnaði glímunni en einhvernveginn þá tókst honum ekki að halda einbeitingunni og Rigaqi skoraði líka wazaari og jafnaði viðureignina og skoraði síðan aftur wazaari með seoinage kasti og var þar með búinn að sigra. Sveinbjörn heldur aftur til Japans og mun æfa þar fram í miðjan júní og kemur þá heim en hann mun taka þátt í Evrópuleikunum í Minsk 22-25 júní.