Fréttir

Þeir Benas Paskevicius og Tristan Sverrisson tóku beltapróf í vikunni. Benas tók 4. kyu (appelsínugult belti) og Tristan 3. kyu (grænt belti) og stóðu þeir sig með sóma. Til hamingju með áfangann.

Í janúar lok og í þessari viku fóru fram nokkrar kyu gráðanir í JR. Þann 24. janúar tók Snorri Sveinn Lund 4. kyu (appelsínugult belti) og í dag fóru sex aðilar í 3. kyu (grænt belti) en það voru þau Emma Tekla Thueringer, Edgards Butevics, Orri Snær Helgason, Logi Andersen, Vésteinn Gunnarsson og Vilmar Tsirilakis Vilmarsson og auk þeirra tóku þeir félagar Fannar Frosti Þormóðsson og Benjamín Birgir Blandon sína næstsíðustu strípu sem er blá en þeir eru báðir 10 ára og er það ekki fyrr en á ellefta ári sem þeir fara í kyu gráðun og fá þá gult belti. Til hamingju öll með áfangann.

Afmælismót JSÍ 2022 í yngri aldursflokkum verður haldið 19. febrúar hjá Judofélagi Reykjavíkur og hefst það kl. 10:00.

Keppni hjá U13 og U15 hefst kl 10 og er til 12

Keppni hjá U18 hefst kl. 12:00 og U21 hefst kl 14

Vigtun U13 og U15 fer fram á keppnisstað á keppnisdegi kl 9 – 9:30 Vikmörk eru 1 kg í þeim aldursflokkum.

Vigtun U18 og U21 fer fram á keppnisstað á keppnisdegi frá kl 11-11:30 en einnig geta keppendur í þeim aldursflokkum vigtað sig frá kl 19-20 á föstudeginum fyrir mót á keppnisstað.

Muna blár og hvítur júdobúningur eða bara hvítur. Ekki bara blár búningur

Hér eru nánari upplýsingar.

JSÍ mun streyma frá mótinu

Það voru tólf þátttakendur frá Judofélagi Reykjavíkur sem kepptu á Reykjavík Judo Open (RJO) sem haldið var 29. jan. 2022 í Laugardalshöllinni og þar af voru fimm þeirra á aldrinum 15-16 ára að keppa á sínu sterkasta senioramóti fram að þessu stóðu þeir sig frábærlega. JR-ingar unnu ein gullverðlaun, þrenn bronsverðlaun og auk þess kepptu tveir um bronsverðlun, þeir Ingólfur Rögnvaldsson -66 kg og Skarphéðinn Hjaltason -90 kg en en urðu að sætta sig við í 5 sætið og þrír urðu í sjöunda sæti en það voru þeir Logi Haraldsson -81 kg, Daron Hancock -73 kg og Mikael Ísaksson -66 kg. Það var Zaza Simonishvili sem stóð sig best allar en hann sigraði örugglega -73 kg flokkinn og allar fjórar viðureignirnar á ippon. Kjartan Hreiðarsson átti góðan dag en hann varð þriðji í -73 kg flokki og sýndi alveg ótrúlega flott judo, vann fjórar viðureignir af fimm og tapaði aðeins gegn Filip frá CZE sem keppti síðar við Zaza til úrslita. Árni Lund -81 kg vann í fyrstu viðureign Færeying og í annar viðureign vinnur hann Frakka og mætir þá Michal Pfaf frá CZE í fjórðungs úrslitum og er þar full kærulaus í gólfglímunni og Pfaf kemst í hengingu sem Árni gat engan vegin varist og tapar og þar með var gullið úr sögunni. Hann mætti síðar Agertoft frá Danmörku í keppninni um bronsið og sigraði þar örugglega. Gamla kempan Máni Andersen sem ekki hefur keppt um árabil mætti til keppni og gerði sér lítið fyrir og nældi sér í bronsverðlaunin í -90 kg flokki, vel gert hjá Mána.

Hér er tengill á beina útsendingu frá mótinu á RÚV og hér neðar eru tenglar af streymi JSÍ.
RJO 2022 Mat 1 – RJO 2022 Mat 2 – RJO 2022 Finals

Úrslit: 2013, 2014, 2015, 2016, 2017, 2018, 2019, 2020, 2021, 2022

Hér eru úrslitin, myndir af verðlaunahöfum, nokkrar myndir frá mótinu og vidoklippa.

Judosamband Íslands heldur nú í tíunda sinn Reykjavík Judo Open í samvinnu við RIG (Reykjavik International Games) og er þetta opið alþjóðlegt mót fyrir karla og konur sem verður haldið í Laugardalshöllinni laugardaginn 29. janúar og hefst með forkeppni frá 10:00 til 12:00 og brons og úrslitaglímur verða svo frá  14:00 til 15:30. Í gegnum tíðina hafa komið afar sterkir þátttakendur frá fjölmörgum löndum þar á meðal bæði heims og Ólympíumeistarar og í ár eru keppendur frá tólf þjóðum auk okkar bestu judomanna. RÚV verður með beina útsendingu frá keppninni frá kl. 14:00 en auk þess mun JSÍ streyma frá öllu mótinu, sjá tengla hér neðar.

Reykjavik Judo Open 2022 – Mat 1

Reykjavik Judo Open 2022 – Mat 2

Reykjavik Judo Open 2022 – Finals

Úrslit: 2013, 2014, 2015, 2016, 2017, 2018, 2019, 2020, 2021

Dómaranefnd JSÍ stóð fyrir dómaranámskeiði 25. janúar síðastliðinn og var það haldið í JR. Farið var yfir það nýjasta í reglum IJF og helstu áherslur og vafaatriði útskýrð. Námskeiðið var vel sótt en þátttakendur sem mættu á staðin auk leiðbeinenda voru fimmtán auk fjölmargra sem fylgdust með á Teams.

Í vikunni sem leið fóru fram nokkrar gráðanir í JR. Þann 17. janúar tók Helena Bjarnadóttir og Weronika Komendera 2. kyu (blátt belti), 19. janúar var Mikael Ísaksson gráðaður í 1. kyu (brúnt belti), Nökkvi Viðarsson í 2. kyu og Helgi Hrafnsson í 3. kyu (grænt belti) og í dag var Romans Psenicnijs gráðaður í 1. kyu og þeir félagar Elías Þormóðsson og Gunnar Ingi Tryggvason voru gráðaðir í 2. kyu. Til hamingju öll með áfangann.

Vinkonurnar Helena Bjarnadóttir og Weronika Komendera þreyttu gráðupróf í 2. kyu (blátt belti) í kvöld og stóðust það með glæsibrag. Til hamingju með áfangann.

Vorönn 2022 hefst 3. janúar samkvæmt stundaskrá og er skráning hafin.

Æfingar meistaraflokks og framhalds 15 ára og eldri hefjast 3. janúar og Gólfglíma 30 + hefst þriðjudaginn 4. jan.

Byrjenda og framhaldsnámskeið 11-14 ára hefst mánudaginn 3. janúar.

Byrjenda og framhaldsnámskeið 7-10 ára hefst þriðjudaginn 4. janúar.

Námskeið barna 5-6 ára hefst laugardaginn 9. janúar.
(Allir byrjendur 5-6 ára fá judobúning frá JR)

Æfingar hjá byrjendum 15 ára og eldri hefast mánudaginn 10. janúar.

Hér er skráningarform en einning er hægt að hafa samband í síma 588-3200 eða senda tölvupóst á netfangið jr@judo.is
Helstu upplýsingar eins og æfingatími, gjöld, þjálfarar, stundaskrá og fleira má finna undir Námskeið. 

Allir fá fría prufutíma fyrstu vikuna. Það er í góðu lagi að mæta í prufutíma með síðar íþróttabuxur og bol ef þú átt ekki judobúning eða eitthvað svipað en judobúninga er hægt að fá hjá JR.

Hér eru nokkrar myndir af starfseminni frá nýliðnu ári

Í dag heldur af stað til Svíþjóðar níu manna hópur íslenskra judomanna og mun þar taka þátt í fimm daga æfingarbúðum í Malmö Elite Center og er það hluti af undirbúningi þeirra fyrir Reykjavík Judo Open 2022 en á það mót hafa boðað komu sína fjölmargir sterkir erlendir keppendur. Þeir sem fara eru Árni Lund, Ingólfur Rögnvaldsson. Kjartan Hreiðarsson, Skarphéðinn Hjaltason, Andri Ævarsson, Matthías Stefánsson, Jakub Tomczyk, Hrafn Arnarsson og Logi Haraldsson. Á myndina vantar þá tvo síðastnefndu.