Category: Uncategorized

Síðasta æfing í sumarsins hjá 6-14 ára var í gær en æfingum átti uphaflega að ljúka í lok maí en vegna Covid-19 lokunnar í vetur var þeim framlengt svo allir fengu sinn tíma og ákveðið að æfa út júní. Vegna góðrar þátttöku í júní var megninu af júlí einnig bætt við. Við hefjum æfingar aftur bæði í byrjendaflokkum og framhaldsflokkum 31. ágúst en það verður auglýst betur hér síðar. Takk fyrir samstarfið á önninni.
Æfingar hjá meistaraflokki og framhaldi 15 ára og eldri halda áfram óbreyttar út sumarið.

Á vefsíðu Júdosambands Evrópu (EJU) er viðtal frá 12. júlí sl. við Michal Vachun fyrrum landsliðsþjálfara Íslands og farið í gegnum hans júdo sögu. Hér neðar er slóð á viðtalið.

THROUGH THE KEYHOLE – MICHAL VACHUN

Patrekur Loki Magnússon Moss tók á mánudaginn sitt fyrsta beltapróf og stóð sig mjög vel en hann hóf að æfa júdo snemma á þessu ári. Patrekur er níu ára og var að fá sína fyrstu strípu sem er græn eins og gráðukerfi JSÍ segir til um en litirnir á strípunum segja til um aldur judoka og fjöldi þeirra segja til um hve lengi hann hefur æft en það er gefin ein strípa fyrir hverja önn og eru annirnar tvær á ári.

Nú eru aðeins tæpir tveir mánuður í Norðurlandameistatamótið og ef Covid-19 truflar það ekki meira en komið er þá verður það haldið í Laugardalshöllinni dagana 12 og 13 september. Allar norðurlandaþjóðirnar hafa staðfest þátttöku og eru nokkrar þeirra með um og yfir sextíu keppendur svo það stefnir í fjölmennt og sterkt mót. Þið sem ætlið ykkur að komast á verðlaunapall þurfið því að nýta tímann vel og æfa af kappi fram að móti og helst hvern einasta dag annað dugar ekki til. Hér eru nokkrar myndir frá landsliðsæfingunni á föstudaginn og auglýsing af vef JSÍ frá mótinu.

• 

• 

• 

• 

• 

• 

Fannar Frosti Þormóðsson og Víkingur Davíð Inaba Árnason tóku beltapróf í gær í aldursflokki 10 ára og yngri og stóðust það með prýði. Fannar sem er átta ára var að fá sína sjöttu strípu en hann hefur æft júdo í þrjú ár og Víkingur sem er 9 ára var að fá sína aðra strípu en hann byrjaði að æfa á síðasta ári. Litirnir á strípunum segja til um aldur judoka og fjöldi þeirra segja til um hve lengi hann hefur æft en það er gefin ein strípa fyrir hverja önn og eru annirnar tvær á ári. Hér er neðar er mynd af drengjunum og enn neðar má sjá litakerfi belta fyrir 11 ára og eldri og 10 ára og yngri.

Það voru fimm einstaklingar sem að tóku beltapróf í dag og voru þau öll að klára seinni hluta gráðunnar. Það voru fjórir drengir, þeir Aleksander Perkowski, Elías Funi Þormóðsson, Gunnar Ingi Tryggvason og Jónas Björn Guðmundsson sem tóku 4. kyu (appelsínugult belti) og ein stúlka, Anna Zoé Thueringer sem tók 5. kyu (gula beltið) og stóðust þau öll prófið með glæsibrag. Af gefnu tilefni þá minnum við á að æfingar hjá aldursflokknum 8-14 ára verða út júlí mánuð þar sem þær hafa verið vel sóttar í sumar.

Júdonámskeið fyrir iðkendur 8-14 ára verður haldið í Júdofélagi Reykjavíkur dagana 1-15 júlí og eru æfingar frá kl. 9 -12:30.
Þetta er ekki byrjendanámskeið heldur hugsað fyrir þá sem hafa einhvern júdogrunn og er það opið iðkendum annara júdoklúbba.

Þátttakendur taki með sér nesti til að neyta á milli æfingalota.

Æfingarnar fara fram að öllu jöfnu innandyra í JR en ef og þegar veður leyfir þá munu einhverjar þeirra verða færðr út undir bert loft. Fyrsta æfing verður miðvikudaginn 1. júlí og er dagskráin hér neðar.

Mæting kl. 9:00
Æfing 9:15 til 10:30
Kaffihlé 10:30-11:00
Æfing frá 11:00 -12:30 sem verður brotin upp með einu 15 mín drykkjarhléi.

Námskeiðið stendur í ellefu daga og kostar 23.000 krónur.
Þjálfarar eru Guðmundur B. Jónasson 1. dan og Emil Þ. Emilsson 1. dan

Skráningarfrestur til föstudagsins 26. júní.

Hér er skráningarform en einning er hægt að skrá sig í síma 588-3200 eða senda tölvupóst á netfangið jr@judo.is

• 

• 

• 

Fyrsta æfing fullorðinna var haldin 25. maí eða um 10 vikum eftir að samkomubann var sett á þann 16. mars sl. Það var vel mætt og mikil tilhlökkun hjá öllum að geta farið að æfa á ný. Hér eru nokkrar myndir og myndband frá æfingunni.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Æfingar 8-10 ára og 11-14 ára hafa verið sameinaðar og verða þær út júní til að vinna upp tapaðan tíma sem tapaðist vegna Covid-19. Æfingar eru á mánudögum, miðvikudögum og föstudögum kl. 17:30-18:30.

Æfingar hjá framhaldi 15 ára og eldri hafa verið sameinaðar með meistaraflokki og verða þær á mánudögum, miðvikudögum og föstudögum kl. 18:30-20:00

Byrjendaæfingar í öllum aldursflokkum hefjast svo aftur seinnipart ágústmánaðar og verður það auglýst síðar.

Nú rétt í þessu birti heilbrigðisráðherra nýja auglýsingu um takmörkun á samkomum vegna farsóttar. Takmörkun á samkomum, skv. nýju auglýsingunni, tekur gildi 25. maí nk. kl. 00:00 og gildir til 21. júní nk. kl. 23:59.

Samkvæmt ofangreindu getum við hafið æfingar aftur í öllum aldursflokkum og fyrsta æfing meistaraflokks verður næsta mánudag kl. 18:30.

Eftirfarandi barst frá ÍSÍ í dag. Okkur öllum til mikillar gleði þá getur íþróttaiðkun allra aldurshópa í landinu nú farið fram án takmarkana.

Áfram verða þó fjöldatakmarkanir á íþróttaviðburðum sem og öðrum viðburðum, þannig að ekki mega fleiri en 200 einstaklingar koma saman, hvort sem er í opinberum rýmum eða einkarýmum. Það þýðir að takmarkanir verða á fjölda áhorfenda á íþróttaviðburðum.

Við hvetjum alla í íþróttahreyfingunni til að lesa nýju auglýsinguna vel, kynna sér innihald hennar vandlega og fara í einu og öllu eftir tilmælum og reglum yfirvalda.

https://isi.is/frettir/frett/2020/05/22/Ithrottaidkun-an-takmarkana/

Hér neðar er auglýsing heilbrigðisráðherra og minnisblað sóttvarnalæknis.

Frétt heilbrigðisráðuneytis um nýja auglýsingu um takmörkun á samkomum vegna farsóttar.

• 

•