Category: Fréttir

Frétt af heimasíðu JSÍ.
Norðurlandameistarmótinu í Júdo sem átti að fara fram 12-13 september í Laugardalshöll hefur verið frestað. Búist var við um 300 júdomönnum víðsvegar frá Norðurlöndunum. Ástæðan er sú að Covid-19 veirufaraldurinn er því miður aftur í vexti á Íslandi og nýlega hafa auknar takmarkanir verið kynntar varðandi fjöldasamkomur. Ákvörðunin var tekin af formönnum Júdosambanda Norðurlandanna í sameiningu, en stefnt er að því að halda næsta Norðurlandameistaramót á Íslandi í apríl 2021.

English

The Judo Nordic Championships which was to be held 12th-13th of September in Reykjavík, Iceland has been postponed. 300 Judokas from all the Nordic countries were expected to take part in the tournament. The situation in Iceland in relation to the Covid-19 epidemic is not good at the moment and the outbreak is again on the rise. Therefore restrictions on social gatherings, such as sporting events, have been increased as of late. The decision to postpone the tournament was made by the presidents of the all the Judo Federations of the Nordic Countries in unison. Also it was agreed upon that the next Judo Nordic Championship will be held in Reykjavik, Iceland in April, 2021.

Samkomur voru takmarkaðar á hádegi í gær. Yfirvöld hafa vegna þessa gefið út tilmæli um íþróttastarf fullorðinna.

Hertar aðgerðir um takmörkun á samkomum vegna farsóttar tóku gildi í gær, föstudaginn 31. júlí og gilda þau til 13. ágúst næstkomandi. Hertar aðgerðir miða að því að hægja eins og unnt er á útbreiðslu COVID-19 sjúkdómsins.

Tilmæli hafa jafnframt borist frá yfirvöldum um áhrif hertra aðgerða á íþróttastarf fullorðinna (þ.e. þeirra sem eru fæddir árið 2004 og eldri).

Tilmælin í hnotskurn:

1. Að gert verði hlé á æfingum og keppni í íþróttum með snertingu til 13. ágúst næstkomandi eða þar til núgildandi auglýsing um takmarkanir á samkomum fellur úr gildi.
2. Að æfingar og keppni í íþróttum án snertingar haldi áfram eftir því sem hægt er, að virtum reglum um fjöldatakmarkanir og nálægðarmörk skv. auglýsingu heilbrigðisráðherra.
3. Að sameiginlegur búnaður verði sótthreinsaður milli notkunar/notenda.

Hertar aðgerðir sem tóku gildi í 31. júlí:

Fjöldasamkomur, þar sem fleiri en 100 einstaklingar koma saman, eru óheimilar á gildistíma auglýsingarinnar. Reglurnar gilda jafnt um opinber rými og einkarými. Íþróttaviðburðir eru þar með taldir.

Ákvæðið um fjöldatakmörkun tekur ekki til barna sem eru fædd árið 2005 og síðar.

Skylt er að hafa a.m.k. 2 metra á milli einstaklinga sem ekki deila heimili á samkomum, öllum vinnustöðum og í allri annarri starfsemi.

Ákvæði um nálægðartakmörkun (4. grein) tekur þó ekki til barna sem eru fædd árið 2005 og síðar.

Sameiginlegur búnaður, s.s. í íþróttastarfi skal sótthreinsaður milli notenda.

Ítarlegri upplýsingar á www.covid.is.

Á hádegi í dag 31. júlí taka gildi hertar aðgerðir innanlands og á landamærum vegna COVID-19 sem standa í tvær vikur, út 13. ágúst nk. Ákvörðunin er í samræmi við tillögur sóttvarnalæknis um takmörkun á samkomum vegna farsóttar sem heilbrigðisráðherra hefur samþykkt.  

Meðal þess sem komið hefur fram er að tveggja metra nándarregla skal viðhöfð í allri starfsemi. Hún er ekki lengur valkvæð heldur skyldubundin og þar með eigum við erfitt með að stunda okkar íþrótt. Við förum að sjálfsögðu að fyrirmælum og tökum æfingahlé til 13. ágúst.

Það er þó eitthvað ósamræmi í upplýsingum því það kom fram á upplýsingafundi Almannavarna í dag að íþróttir fullorðinna (keppni) sem krefjast snertingar skyldu taka hlé til 10 ágúst en við munum fylgjast með og tilkynna um það ef það verður reyndin og getum þá kanski hafið æfingar fyrr.

Uppfært 1. ágúst, það verður hlé til 13. ágúst sjá nánar hér.

Ítarlegri upplýsingar á vef Stjórnarráðs Íslands

Strákarnir höfðu ekki lánið með sér í Ungverjalandi á Budapest Grand Prix  en þeir féllu allir úr keppni í fyrstu umferð. Logi var lítið kominn inní glímuna þar sem hann hafði ekki náð ekki góðum handtökum á Nicon Zaborosciuc (MDA) sem virtist vera sterkari í þeim en það var þó ekkert farið að reyna á það að ráði því eftir aðeins rúma mínútu nær hann góðu taki á Loga og fer eldsnöggt inn í bragð með annari hendinni og fylgir vel eftir og Logi endaði á bakinu. Það var eitthvað svipað hjá Agli því þegar viðureignin var um það bil hálfnuð og eftir hörku baráttu þar sem ekki mátti á milli sjá hvor hafði betur þá nær Rafal Kozlowski  frá Póllandi skyndilega að festa hægri hendina á Agli og lagðist svo í seoi-nage en Egill náði ekki að stöðva sóknina og féll á bakið og ippon var dæmt. Það verður að segjast eins og er að bæði köstin þ.e. gegn Loga og Agli voru vel útfærð og falleg. Viðureign Sveinbjörns gegn Medickson Del Orbe (DOM) var nokkuð jöfn og hafði Sveinbjörn yfirhöndina fyrstu tæpar tvær mínúturnar en Medickson var þá kominn með shido fyrir sóknarleysi en þá var komið að Sveinbirni að fá refsistig. Þegar um tvær mínútur eru eftir fær hann sitt fyrsta shido fyrir “False Attack” (gervisókn) og annað aðeins hálfri mínútu síðar. Hann mátti því ekki fá fleiri refsistig því þá væri hann búinn að tapa. Eins og áður sagði voru þeir mjög jafnir og börðust vel og þegar um tuttugu sekúndur eru eftir að viðureigninni þá gerðist það, Sveinbjörn fær sitt þriðja shido og tapaði þar með glímunni.