Fréttir

Nú er byrjað að aflýsa judóviðburðum vegna Coronavírusins og hefur þremur mótum þegar verið aflýst. Fyrst var það Senior Europen Judo Cup í Swiss og Cadett European Judo Cup í Zagreb sem halda átti helgina 7-8 mars og svo var Rabat Grand Prix í Marrakó aflýst í dag en Sveinbjörn Iura átti einmitt að keppa á því næstu helgi en hann lagði af stað í ferðalagið í morgun. Hann fór því ekki lengra en til Parísar og mun í staðinn æfa þar og fara þaðan eftir viku til suður Ameríku en hann ætlar að keppa á Pan American Open í Santiago í Chile 14-15 mars og í Lima í Perú 21-22 mars ef að þeim mótum verður ekki aflýst líka. Það þarf því að fylgjast vel með hvort viðburðum sé aflýst því fyrirvarinn er nánast enginn.

Logi Haraldsson, Kjartan Hreiðarsson, Hrafn Arnarsson og Breki Bernhardsson fara í fyrramálið til Tékklands og taka þar þátt í OTC æfingabúðunum í Nymburk. Þeir verða þar við æfingar í viku þar sem æft verður tvisvar á dag ásamt fjölmörgum af bestu júdomönnum og konum heims og koma þeir aftur heim næstu helgi. Þátttaka þeirra í æfingabúðunum er meðal annars liður í undirbúningi fyrir norðurlandamótið sem verður í Reykjavík 25 og 26 apríl næstkomandi. Árni Lund og Egill Blöndal áttu einnig að fara en komust ekki að þessu sinni og Sveinbjörn Iura er áleið til Marrakó þar sem hann tekur þátt í Rabat Grand Prix næstu helgi.

Sveinbjörn Iura keppti í morgun á Dusseldorf Grand Slam. Hann sat hjá í fyrstu umferð en mætti svo Sotelo Angeles frá Peru í annari umferð. Sotelo sótti ýfið meira í fyrstu og eftir umþaðbil mínútu komst hann yfir er hann skoraði wazaari með seoinage kasti. Sveinbjörn var þó ógnandi í gólfglímunni og var í tvígang nærri búin að komast í fastatak í framhaldi af misheppnaðri sókn Sotelo og í þriðja skiptið bar gólfglíman árangur er Sveinbjörn snéri Sotelo á bakið eftir góðan undirbúning og sigraði hann örugglega með öflugu fastataki. Þar með var Sveinbjörn kominn í 32 manna úrslit og mætti þar Tékkanum Jaromir Musil. Þar virkaði Sveinbjörn sterkari aðilinn og náði fínum tökum en í einni sókn hans sem gekk ekki upp lendir hann á maganum og Jaromir kemst í góða stöðu í gólfglímunni og vinnur vel úr henni og kemst í armlás og Sveinbjörn varð að gefast upp eftir öfluga mótspyrnu. Þessi árangur Sveinbjörns í dag gefur honum 120 punkta en nýr heimslisti verður gefinn út á mánudaginn og þá kemur í ljós hver staða hans verður á honum. Það er gaman að geta þess að félagi okkar frá Svíþjóð, Robin Pacek (-81 kg) átti frábæran dag en hann sigraði fimm andstæðinga af sex og tók bronsverðlaunin og eru það fyrstu verðlaun hans á Grand Slam móti. Líklega hefur hann með því komist yfir 2.000 Ol. punkta og nánast tryggt sér farseðilinn á Ólympíuleikanna í sumar en 18 efstu á listanum eru öruggir inn auk þeirra sem komast inn á álfukvóta. Robin var með 1.669 Ol. punkta fyrir þetta mót og inni á leikunum í gegnum álfukvóta sem hann mun þá ekki þurfa að nota og einhver annar fær þann rétt. Hér eru öll úrslitin.

DUSSELDORF GRAND SLAM 2020 hófst í morgun og er Sveinbjörn Iura á meðal keppenda og Jón Þór Þórarinsson landsliðsþjálfari er honum til aðstoðar. Sveinbjörn keppir á morgun laugardag og hefst keppnin kl. 8:30 að íslenskum tíma. Dregið var í gær og eru 67 keppendur í 81. kg flokknum. Sveinbjörn sem er í 88. sæti heimslistans (WRL) mætir Sotelo Angeles frá Peru en hann situr í 74 sæti. Ef vel gengur þá mætir Sveinbjörn að öllum líkindum Tékkanum Jaromir Musil en hann er í 51. sæti. Þátttakendur eru fjölmargir eins og alltaf á þessum Grand Slam mótum en þeir eru 670 frá 5 heimsálfum og 116 þjóðum. Karlarnir eru 401 og konurnar eru 269. Hægt er að horfa á mótið í beinni útsendingu og á Sveinbjörn 25 viðureign á Mat 1 en sjá nánar hér.

Afmælismót JSÍ í yngri aldursflokkum ( U13, U15, U18 og U21 árs) var haldið síðastliðinn laugardag (15. febrúar) hjá Júdofélagi Reykjavíkur. Óhætt er að segja að það hafi gengið vel hjá okkur JR ingum en við unnum til þrettán gullverðlauna af nítján og auk þess tvenn silfurverðlaun. Keppendur voru fimmtíu og fjórir frá sjö klúbbum. KA menn sem einnig voru skráðir til leiks komust því miður ekki suður vegna leiðinadveðurs og var missir af þeim. Mótið var skemmtilegt á að horfa, fullt af flottum og spennandi viðureignum og jafnframt eitthvað um óvænt úrslit. Dómgæslan var vel mönnuð og stóðu dómarar sig að venju með sóma við erfiðar aðstæður. Hér eru úrslit mótsins, myndir af verðlaunahöfum og nokkrar myndir frá keppninni.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Afmælismót JSÍ í yngri aldursflokkum ( U13, U15, U18 og U21 árs) verður haldið laugardaginn 15. febrúar í Júdofélagi Reykjavíkur. Mótið hefst kl. 10:00 í aldursflokkum 11-14 ára þ.e. U13 og U15 og lýkur um kl. 12:00. Vigtun á keppnisstað frá kl. 9-9:30. Muna að mæta tímanlega svo þið missið ekki af þátttöku því vigtun lokar kl. 9:30.

Keppni U18 hefst kl. 12 og lýkur um kl. 13 og keppni U21 hefst kl. 13 og lýkur um kl. 14.

Vigtun fyrir U18 og U21 er frá kl. 11-11:30 en athugið að U18 og U21 geta einnig mætt í vigtun með U13/U15 frá kl. 9-9:30.

Muna blár og hvítur júdobúningur eða bara hvítur. Ekki bara blár búningur.

Afmælismót JSÍ yngri 2020

Þá er keppni lokið á Danish Open 2020 og gékk okkur mönnum misvel. Það gékk þó mun betur seinni keppnisdaginn þ.e. hjá u15 og u21 árs, glímufjöldinn var nánast sá sami og fyrri keppnisdaginn en það unnust næstum helmingi fleiri glímur. Vésteinn Bjarnason júdodeild Selfoss náði lengst, hann vann þrjár glímur en tapaði einni í U15 -60 kg flokki og fékk silfur, Daníel Árnason UMFN keppti um bronsverðlaunin í U21 -55 kg en tapaði þeirri viðureign og endaði í 5. sæti og Romans Psenicnijs úr JR vann tvær viðureignir og tapaði tveimur í U15 -46 kg flokki og varð í 7. sæti. Aðrir náðu ekki eins langt en nokkrir unnu ýmist eina til tvær glímur og áttu frábær köst eins og t.d Ouchi-gari hjá Alla Kalla og Logi Haralds átti frábært kast í einni uppreisnarglímunni svo eitthvað sé nefnt en það má líklega sjá allar glímurnar hér á næstu dögum. Það sem virtist helst skorta hjá flestum okkar keppendum og háði þeim var kumi kata, sem var lítið /lélegt og er það eitthvað sem þarf að taka fyrir og bæta á næstu misserum. Hér eru öll úrslitin og hér er linkur á nokkrar glímur hjá Alla Kalla og Romans.

Sveinbjörn Iura keppti í dag á Paris Grand Slam 2020 og mætti þar  Michael Aristos frá Kýpur. Þetta var jöfn viðureign en Sveinbjörn þó öllu sterkari. Þegar venjulegum glímutíma var lokið hafði hvorugur skorað en Michael var kominn með eitt refsistig. Eftir umþaðbil eina mínútu í gullskorsviðureigninni fékk hann sitt annað refsistig og það stefndi í sigur fyrir Sveinbjörn en skömmu síðar komst Michael í góða sókn og skoraði ippon með vinstra ouchi gari og þar með var keppni lokið hjá Sveinbirni. Það sem mesta athygli vakti í dag var þegar Teddy Riner tífaldur heimsmeistari og tvöfaldur Ólympíumeistari tapaði en hann hafði verið ósigraður í tíu ár og unnið 154 viðureignir í röð. Hér má sjá öll úrslitin og hér er glíman hans Sveinbjörns. Næsta mót hjá Sveinbirni verður 22. febrúar í Þýskalandi á Dusseldorf Grand Slam.

Paris Grand Slam 2020 hefst á morgun og er Sveinbjörn Iura á meðal þátttakenda og er Þormóður Jónsson honum til aðstoðar. Sveinbjörn keppir á sunnudaginn og hefst keppnin kl. 7:30 að íslenskum tíma. Dregið var í dag og situr Sveinbjörn sem er í 81. sæti heimslistans hjá í fyrstu umferð en mætir þá Michael Aristos frá Cyprus sem er í 182 sæti heimslistans og má segja að það hafi verið góður dráttur fyrir Sveinbjörn á þessu gríðasterka og fjölmenna móti sem GS Paris er en Michael er þó sýnd veiði en ekki gefin. Ef vel gengur í fyrstu umferð þá mætir Sveinbjörn að öllum líkindum Frank De Wit frá Hollandi sem er í 10. sæti (WRL) og verður það ekki auðveld viðureign. Þátttakendur eru 688 frá 5 heimsálfum og 117 þjóðum. Karlarnir eru 411 og konurnar eru 277. Hér er keppnisröðin og á Sveinbjörn líklega 23 viðureign á velli 1. Hér er bein útsending frá mótinu.

Danish Open 2020 verður haldið næstu helgi þ.e dagana 8. og 9. febrúar í Vejle í Danmörku. JSÍ hefur valið keppendur til að keppa í seniora, u21 og u18 aldursflokkum og koma þeir frá KA, Selfossi, UMFN og JR. Auk þess sendir JR og Júdodeild Selfoss keppendur í ofangreinda aldursflokka og einnig í u15 svo alls eru keppendur frá Íslandi tuttugu og tveir. Þeir sem keppa frá JR í senioraflokki eru Ásta Arnórsdóttir -57 kg, Ingunn Sigurðardóttir -70 kg, Logi Haraldsson -81 kg, Oddur Kjartansson -81 kg og Ægir Valsson -90 kg. Í u18 og u21 keppa þeir Kjartan Hreiðarsson -73 kg og Skarphéðinn Hjaltason -81 kg. Í U15 keppa þeir Aðalsteinn Björnson og Romans Psenicnijs í – 46 kg flokki og Daron Hancock og Mikael Ísaksson í -50 kg flokki. Keppni seniora og u18 verður á laugardaginn og u21 og u15 á sunnudaginn. Með JR hópnum fara þeir Guðmundur Jónasson, Hreiðar Oddsson og Ísak Jónsson. Íslenski hópurinn / allur keppendalistinn og linkur á beina útsendingu og hefst keppnin kl. 6:30 að íslenskum tíma á laugardaginn.