Category: Fréttir

Manuel Lombardo verður með æfingu í JR sunnudaginn 27. ágúst og hefst hún kl. 14:00 og er hún opin öllum klúbbum. Eins og flest ykkar vita hefur Manuel unnið til fjölda verðlauna á sterkustu mótum heims eins og Grand Prix og Grand Slam og meðal annars hann hefur í tvígang unnið silfurverðlaun á heimsmeistaramóti seniora og nú síðast í maí og varð Evrópumeistari í -73 kg flokki 2021. Manuel hefur verið í fríi hér á landi og hefur Judofélag Suðurlands haft veg og vanda af því að fá hann til að vera með þessa æfingu og hafi þeir þökk fyrir. Hvetjum við alla judomenn yngri sem eldri til að mæta á sunnudaginn og læra af einum besta judomanni heims í dag en hér má sjá flott tilþrif með honum.

Heimsmeistaramót 2023 Cadets (15-17 ára) er haldið dagana 23-26 ágúst í Zagreb í Króatíu. Þar eru við með þrjá fulltrúa sem keppa allir á morgun föstudaginn 25. ágúst. Það eru þau Weronika Komendera sem keppir í -57 kg flokki og þeir Mikael Ísaksson og Arnar Arnarsson sem báðir keppa í -81 kg flokki og með þeim er Zaza Simonishvili landsliðsþjálfari. Keppendur eru 576 frá sextíu og fjórum þjóðum 316 karlar og 260 konur. Weronika drógst á móti Honda Riko frá Japan og eiga þær áttundu glímu á velli tvö. Mikael á þriðju glímu á velli eitt og mætir Aurelio Marco frá Mexikó og Arnar á sextándu glímu á sama velli mætir Bendeliani Giorgi sterkum keppanda frá Georgíu sem er í 8. sæti heimslista cadets. Keppnin hefst kl. 7 á okkar tíma og fylgjast má með henni í beinni útsendingu á JudoTV.

Síðastliðinn þriðjudag fengum við óvænta heimsókn en á judoæfingu mætti Volker Gößling 6. dan frá Þýskalandi en hann var staddur hér á landi vegna ráðstefnu sem haldin var hér í vikunni en Volker er í forsvari og aðalþjálfari fyrir DSC Wanne-Eickel – Judo í Þýskalandi. Á þriðjudaginn byrjaði hann á því að taka þátt í Gólfglímuæfingu 30 + og síðan leiðbeindi hann hjá meistaraflokki/framhaldi og sýndi fullt af áhugaverðum atriðum bæði í standandi og gólf tækni. Hér er frétt á heimasíðu DSC Wanne-Eickel – Judo, um heimsón hans til JR. Takk fyrir heimsóknina Volker.

Full starfsemi hefst aftur samkvæmt stundaskrá mánudaginn 21. ágúst með æfingum hjá meistaraflokki, byrjendum og framhaldi 15 ára og eldri og börnum 11-14 ára. Æfingar barna 7-10 ára hefjast svo þriðjudaginn 22. ágúst sem og Gólfglíma 15 ára og eldri og að lokum hefjast svo æfingar barna 5-6 ára laugardaginn 26. ágúst. Mánudaginn 4. sept. hefst svo nýtt námskeið (Kvennatími) sem bara eru ætlaðar konum 15 ára og eldri og verða æfingarnar í umsjá margfaldra Íslandsmeistara og reynslubolta þeirra Ástu Lovísu Arnórsdóttur og Daníelu Rut Daníelsdóttur.

Byrjendur fá frían prufutíma og er í góðu lagi að mæta í tímann með síðar íþróttabuxur og bol en Judobúninga er hægt að fá hjá JR.

Hér eru helstu upplýsingar eins og æfingatími, gjöld, þjálfarar og fleira.
Frekari upplýsingar í síma 588-3200 eða senda tölvupóst á netfangið jr@judo.is

Ef ákveðið er að halda áfram að loknum prufutíma þá er gengið frá skráningu og námskeiðsgjaldi hér.

Í vikunni lögðu af stað til Króatíu þeir Kjartan Hreiðarsson, Hrafn Arnarsson og Karl Stefánsson ásamt Zaza Simonishvili landsliðsþjálfara og munu þeir keppa um helgina á Zagreb Grand Prix seniora sem hófst í dag og stendur til 20. ágúst. Keppendur eru 530 frá áttatíu og þremur þjóðum og á meðal þeirra eru nokkrir allrasterkustu judomenn og konur heims eins og Biloid Daria, Lukas Krpalek og Sagi Muki svo einhverjir séu nefndir. Kjartan sem keppir í -73 kg flokki mætir John Waizenegger (SUI) og Hrafn sem keppir í -81 kg flokki mætir Arab Sibghatullah (IJF) Þeir keppa á morgun laugardaginn 19. ágúst og hefst keppnin kl. 7 á okkar tíma. Kjartan á glímu tvö á velli eitt og Hrafn á sjöttu glímu á velli þrjú. Karl keppir á sunnudaginn í +100 kg flokki og mætir hann Amadou Meite (FRA) og er það sextánda glíma á velli þrjú. Fylgjast má með keppninni í beinni útsendingu á JudoTV.

EYOF leikunum 2023 er lokið en judokeppnin hófst 23. júlí og lauk 29. júlí með blandaðri liðakeppni þar sem Tyrkir sigruðu en þeir kepptu til úrslita gegn Azerbaijan sem sigraði 2022 og Georgia varð í þriðja sæti. Þeir  Daron Hancock og Mikael Ísaksson báðir úr JR kepptu 27. júlí og drógust báðir á móti sterkum andstæðingum. Daron sem keppti í -73 kg flokki og mætti Adrian Durdevic frá BIH (Bosnia og Herzegovina). Þetta var hörkuviðureign þar sem barist var um tökin og stóð glíman í rúmar þrjár mínútur og var Adrian öllu virkari og náði Daron engum tökum og tapaði að lokum þrem shido. Mikael sem keppti í -81 kg flokki mætti Maj Kavnik frá SLO (Slóveníu). Mikael byrjaði af krafti og lenti fjótlega í gólfglímu og það leit ekki vel út fyrir hann þar á tímabili en hann bjargað sér vel með góðri vörn og dómari stoppar glímuna. Viðureignin hófst aftur og var Mikael ekki nógu vakandi og var skellt stuttu síðar á fallegu Osoto gari. Hvorki Daron né Mikael fengu uppreisnarglímur þar sem andstæðingar þeirra komust ekki nógu langt áfram í keppninni. EYOF er gríðasterkt judomót og ekki sjálfgefið að vinna viðureign á því en það vissu þeir félagar og höfðu undirbúið sig vel en það dugði ekki til að þessu sinni. Zaza Simonishvili landsliðsþjálfari var með strákunum í þessari ferð. Nánari upplýsingar má finna hjá EJU hjá IJF og JudoTV.

Í kvöld halda af stað til Slóveníu þeir Daron Hancock og Mikael Ísaksson ásamt Zaza Simonishvili landsliðsþjálfara og taka þar þátt í Ólympíuhátíð Evrópuæskunnar (EYOF) sem fer fram í Maribor 23.-29. júlí næstkomandi en keppnin er fyrir evrópsk ungmenni á aldrinum 14 -18 ára. Judokeppnin fer fram dagana 25-28 júlí og keppa þeir báðir 27. júlí og hefst keppnin þá kl. 8 að morgni á okkar tíma. Daron keppir í -73 kg flokki þar sem keppendur eru 23 og á hann 12 glímu á velli 2 og Mikael keppir í -81 kg flokki þar sem keppendur eru 26 og á hann 2 glímu og einnig á velli 2. Nánari upplýsingar má finna hér hjá EJU og hér hjá IJF og fylgjast með keppninni í beinni útsendingu á JudoTV.

Á morgun hefst sumarfrí hjá JR og verða því engar skipulagðar judoæfingar fyrr en starfsemin hefst aftur 21. ágúst nema hjá æfingahópnum Gólfglíma 30+ þeir þurfa ekki á fríi að halda 🙂

Judoæfingin sem halda átti í dag kl. 17:30 fellur niður vegna veðurs 
Sjáumst á morgun.

Helgina 8-9 júlí var Paks Junior European Cup 2023 haldið í Ungverjalandi og voru fjórir þátttakendur frá Íslandi á meðal keppenda. Það voru þeir Kjartan Hreiðarsson, Daron Hancock, Mikael Ísaksson og Skarðhéðinn Hjaltason og með var Zaza Simonishvili landliðsþjálfari. Þessi European Cup mót eru gríðalega sterk og fjölmenn en í Paks voru 26 þjóðir og tæplega 400 keppendur og eru þau líkast til sterkustu mót sem haldin eru í þessum aldursflokki. Því miður komust okkar menn ekki áfram að þessu sinni en þeir fá keppnisreynslu sem nýtist þeim seinna meir. Í síðasta mánuði kepptu þeir á EC í Birmingham og tóku svo þátt í tveggja daga æfingabúðum og það gera þeir einning núna og koma svo heim á miðvikudag reynslunni ríkari eftir að hafa keppt og æft með mörgum af bestu judomönnum heims. Til þess að komast í fremstu röð og vera meðal þeirra bestu þá þarf að sækja reglulega æfingabúðir og sterk mót og taka tapi með jákvæðu hugarfari og læra af reynslunni og þá kemur að því að hlutirnir fara að snúast við og vinningar fara að hlaðast inn og sigrar á mótum ekki lengur fjarlægur draumur. Hér eru upplýsingar um mótið úrslit, video og fleira og einnig er hægt að finna allar upplýsingar um keppnina á vef IJF.