Fréttir

Haustmót seniora þ.e. 15 ára og eldri verður haldið á Selfossi laugardaginn 7. okt. næstkomandi, sjá nánar hér.
Skráningarfrestur til miðnættis miðvikudagsins 4. okt.

Haustmót JSÍ í yngri aldursflokkum þ.e. U21/U18/U15/U13 verður haldið í Grindavík laugardaginn 21. okt. næstkomandi, sjá nánar hér.
Skráningarfrestur til miðnættis mánudagsins 16. okt.
Myndin er af Gísla Vilborgarsyni og Adrían Ingimundarsyni en þeir unnu gullverðlaunin á Haustmótinu í -81 kg og +100 kg flokkum í fyrra.

Fyrsta landsliðsæfingin á þessu hausti var haldin í dag frá 11-13 í Júdófélagi Reykjavíkur. Það voru allir 15 ára og eldri iðkendur velkomnir en ekki var skyldumæting fyrir landsliðsmenn að þessu sinni þar sem fyrirvari æfingarinnar var í styttra lagi. Það mættu rúmlega tuttugu þátttakendur var æfingin mjög vel heppnuð en landsliðsþjálfar U18/U21 og seniora þau Anna Soffía Víkingsdóttir, Hermann Unnarsson og Jón Þórarinsson stýrðu henni saman. Hér eru nokkrar myndir frá æfingunni.

Júdófélag Reykjavíkur hefur opnað nýja Facebook síðu þar sem hin var yfirtekin og jafnframt var aðgangi JR að henni lokað. Þar sem öllum tilraunum til að fá hana afhenta aftur var hafnað nema gegn óásættanlegum skilyrðum eða greiðslu sem kom ekki til greina að JR hálfu, þá var það niðurstaðan að opna nýja síðu.

Gamla Facebook síðan sem nú kallast Júdó Samfélagið er að öllu leyti óviðkomandi JR þó svo að enn séu þar myndir og textar sem tilheyra JR en vonast er til að það efni verði fjarlægt.

Vegna þessa óskum við eftir því, að þið deilið nýju Facebook síðu JR eins og ykkur er kostur til þess að ná sem fyrst aftur til allra aðstandenda félagsins og vina.

Ægir Valsson og Egill Blöndal kepptu á European Senior Judo Cup í Bratislava í dag. Báðir keppptu þeir í -90 kg flokki þar sem keppendur voru alls þrjátíu og einn. Ægir mætti Ihor Knysh frá Úkraníu og byrjaði sú viðureign vel hjá Ægi en hann virkaði sterkari aðilinn fyrstu tvær mínúturnar en í einni sókninni hjá Ihor þá flækstust fingur Ægis í búningi hans og fór einn fingur Ægis úr lið en small strax í aftur en það var nóg til þess að Ægir gaf glímuna og var þar með dottinnn úr keppninni sem var algjör synd því hann virtist til alls líklegur.
Egill Blöndal mætti Jorda Kouros frá Ástralíu, Egill var mun sterkari aðilinn og sigraði örugglega með fastataki þegar um ein og hálf mínúta var eftir en hafði þá áður skorað wazaari. Í annari umferð mætti hann Radim Knapek frá Tékklandi. Egill byrjaði vel og var ekki langt frá því að sigra hann með armlás en Tékkinn rétt slapp. Eftir það var Tékkinn varari um sig en hann var með lúmskt vinstra makkikomi sem Egill réði ekki við og náði hann Agli á ippon þegar um þrjátíu sekúndur voru eftir af viðureigninni en var reyndar búinn að skora tvívegis áður með sama bragði. Þar með var Egill fallinn úr keppninni eins og Ægir því það eru engar uppreisnarviðureignir nema menn komist í átta manna úrslit.

Egill Blöndal keppti í dag í – 90 kg flokknum á heimsmeistaramótinu í Budapest. Hann mætti Pólverjanum  Piotr Kuczera og átti Egill fína glímu en hann var mun virkari og sótti mun meira fyrstu tvær mínúturnar en því miður náði hann ekki að skora  gegna Pólverjanum sem varðist vel. Þegar um ein og hálf mínúta var eftir af viðureigninni náði Pólverjinn hinsvegar að komast í uchi-mata og skoraði wazaari. Egill reyndi strax að jafna leikinn og var ekki langt frá því að gera það í einni sókn sinni en því miður lenti hann undir Pólverjanum sem náði að nýta sér það og komst í fastatak og vann viðureignina þegar um 37 sek. voru eftir af henni. Hér er myndband af glímunni hans Egils og öll úrslit.
Á meðal áhorfenda á mótinu voru fjórir Íslenskir judodómarar þeir Björn Sigurðarson, Birkir Hrafn Jóakimsson, Jón Kristinn Sigurðsson og  Sævar Sigursteinsson of fylgdust með mótinu en þeir voru þar til að kynna sér dómgæslu og framkvæmd en mikið hefur verið um breytingar á dómarareglum upp á síðkastið og túlkun þeirra.

Heimsmeistaramótið í Judo hófst í Budapest 28. ágúst og stendur til 3. september. Jón Þór Þórarinsson landsliðsþjálfari hefur valið Egill Blöndal til fararinnar og verður hann okkar eini fulltrúi á HM að þessu sinni og keppir hann í -90 kg flokki. Á hverjum degi er keppt í tveimur til þremur þyngdarflokkum og byrjað í þeim léttustu. Hægt er að sjá allar viðureignir í beinni útsendingu og einnig að skoða þær aftur síðar sem og að fylgjast með öllu mótinu, einstaklingum og fleira og fleira á alveg hreint frábærum nýjum vef IJF. Egill Blöndal hefur undirbúið sig mjög vel fyrir mótið og hefur tekið þátt í fjölda móta og æfingabúða bæði hér heima sem og erlendis og er til í slaginn en hann verður ekki auðveldur. Í -90 kg flokknum eru 72 keppendur og keppt er með útsláttar fyrirkomulagi. Egill situr yfir í fyrstu umferð og mætir svo Pólverjanum Piotr Kuczera  sem er í 35 sæti heimslistans. Hann var í þriðja sæti á EM seniora 2016 og  hefur unnið 20 af 23 glímum á þessu ári. Ef að Egill á góðan dag og vinnur þessa viðureign þá tekur ekkert betra við því hann fær þá að öllum líkindum Aleksandar Kikolj frá Serbíu sem er efstur á heimslistanum í dag í -90 kg flokknum. En þetta er judo og allt getur gerst og Egill hefur sýnt það að hann eflist bara við mótlætið. Egill keppir næsta föstudag og hest keppnin kl. 8 að morgni að íslenskum tíma og á Egill tíundu viðureign sem gæti verið um kl. 8:30.  Á sunnudaginn verður síðan keppt í liðakeppni landa og er það í fyrsta skipti sem keppt er með blönduðum liðum það er að hvert land er með lið sem er skipað þremur konum og þremur körlum. Nú nýlega var samþykkt að á næstu Ólympíuleikum sem verða í Tokyo 2020 verði einning keppt í liðakeppni að lokninni keppni einstaklinga. Á ársþingi alþjóða judosambandsins (IJF) í síðustu viku var tilkynnt um samstarf IJF við CNN sem mun fjalla reglulega um judo íþróttina ásamt öðru sporti á vef sínum.

Ægir Valsson vann til gullverðlauna í dag í -90 kg flokki á The West Of England Reg Lomax Senior Open 2017. Fyrst mætti hann Gyula Menyik og vann hann á ippon, fyrst náði hann wazaari kasti sem hann fylgdi eftir með fastataki. Í annari umferð mætti hann William Von Mallinckrodt og vann hann einnig á ippon. Hann náði kasti á honum og fékk wazaari fyrir það og ekki löngu seinna kom annað sem var ippon kast. Þá var hann kominn í úrslit og mætti Nastasa Silviu. Í einni sókn Nastasa þegar hann reyndi kosotogari þá varðist Ægir því með mótbragði og náði honum á uchi mata og fékk Ippon fyrir kastið og gullið var hans. Vel gert Ægir, til hamingju.