Voru gráðaðir í gula beltið

Þeir félagar Ævar Smári Jóhannsson og Eyjólfur Orri Sverrisson voru báðir gráðaðir í 5.kyu, gult belti í gær af Guðmundi Birni Jónassyni og stóðu þeir sig með sóma. Ævar hóf að stunda júdo um áramótin en hann fékk áhugann og vildi prófa þegar hann fylgdist með syni sínum Andra og dóttur sinni Soffíu Huld sem hann keyrði reglulega á æfingar í JR og nú fimm mánuðum seinna tók hann sína fyrstu gráðu. Þess má geta að faðir hanns Jóhann æfði einnig júdo á sínum yngri árum svo júdoið er vel kynnt innan fjölskyldunnar. Eyjólfur Orri æfði júdo fyrir rúmum tveimur áratugum en tók sér svo langt frí en var þá búinn að taka einhverjar gráður. Júdoið blundaði alltaf í honum og ákvað hann að endurnýja kynnin af því en vildi byrja uppá nýtt þar sem svo langt var um liðið og tók því gula beltið aftur og eins og áður sagði með sóma. Á myndinni sem fylgir með eru tveir af bestu keppendum JR í dag í unglingaflokki þeir Andri Fannar sonur Ævars og Kjartan Logi Hreiðarsson langa afabarn Svavars Carlsen fyrsta Íslandsmeistarans í júdo en það var árið 1970 svo íþróttin gengur víða í ættir.

F.v. Eyjólfur Orri, Guðmundur Björn, Andri Fannar, Ævar Smári og Kjartan Logi