Sameiginleg æfing yngri flokka JR þ.e. barna 5-6 ára, 7-10 ára og 11-14 ára var haldin þriðjudaginn 20. maí sem var aðallega í formi leikja. Að æfingu lokinni voru börnunum afhent viðurkenningarskjöl fyrir þátttökuna á vorönninni og síðan var sest í setustofuna þar sem boðið var uppá veitingar. Það vantaði allmarga iðkendur á æfinguna og hafði kanski frábært veður eitthvað með það að gera og því komust ekki öll viðurkenningarskjölin til skila en hægt er að nálgast þau í JR eftir helgi. JR vill þakka foreldrum og eða aðstandendum fyrir samveruna í vetur og aðstoðina í dag sem og iðkendum öllum og vonumst til þess að sjá ykkur aftur sem flest á haustönninni sem hefst um miðjan ágúst en það verður auglýst hér þegar nær dregur.
