Jólamót/Afmælismót JR 2025 verður haldið föstudaginn 12. desember og hefst keppnin hjá 11-14 ára kl. 17:15 og um kl. 18:15 hjá 15 ára og eldri og verður þá keppt í senioraflokkum en ekki öllum þyngdarflokkum. Einnig verður nú í þriðja sinn keppt í gólfglímu 30 ára og eldri. Þetta er innanfélagsmót sem fyrst var haldið 2006 og er það nú haldið í nítjánda skipti en það féll niður 2020 vegna covid. Ekki þarf að skrá sig fyrirfram því allir sem mæta á æfingu geta keppt og verður keppendum raðað í flokka að lokinni vigtun. Í kvennaflokkum hefur verið keppt í -57 kg og +57 kg en í karlaflokkum -66, -73, -81, -90 og +90 kg en hugsanlega verða flokkar sameinaðir en það fer eftir þátttöku. Keppt er um farandbikara sem orðnir eru sögulegir en þeir eru áletraðir nöfnum fyrrum sigurvegara. Hér eru úrslitin 2024 2023, 2022, 2021 og 2019. Á mótinu verður einnig tilkynnt um val á Judomanni JR 2025, judomanni U21, þeim efnilegasta og sjálfboðaliða ársins.
judo, sjálfsvörn, líkamsrækt
