Þeir félagar Gunnar Ingi Tryggvason, Jónas Björn Guðmundsson og Orri Snær Helgason þreyttu gráðupróf fyrir 1. dan í gær og stóðust það með glæsibrag. Orri er á sextánda ári og er einn af fáum sem hafa náð svartabeltinu á þeim aldri en Gunnar og Jónas eru á sautjánda ári. Allir hafa þeir æft judo í mörg ár eða frá 6-10 ára aldri en Jónas byrjaði 6 ára gamall. Þeir hafa alltaf verið mjög áhugasamir um keppni og tekið þátt í flestum mótum sem í boði eru bæði hér heima og nokkrum erlendis og staðið sig vel og voru t.d. allir í verðlaunasæti á ÍM karla 2025 og eru núverandi Íslandsmeistarar í U18 í hver í sínum þyngdarflokki. Til hamingju með áfangann.
