Fréttir

Í hófi sem Samtök íþróttafréttamanna og Íþrótta- og Ólympíusamband Íslands héldu í Hörpu 28. desember þar sem kylfingurinn Ólafía Þór­unn Krist­ins­dótt­ir úr Golfklúbbi Reykjavíkur var kjörinn íþróttamaður ársins hjá Samtökum íþróttafréttamanna veitti Íþrótta- og Ólympíusamband Íslands einnig viðurkenningar til íþróttakvenna og íþróttamanna ársins 2017 í sérgreinum íþrótta. Þar fengu judomaður og judokona ársins þau Þormóður Árni Jónsson, JR og Anna Soffía Víkingsdóttir, KA sínar viðurkenningar afhentar. Þar sem að Anna Soffía komst ekki til að taka við sinni viðurkenningu tók Jóhann Másson formaður JSÍ við henni fyrir hennar hönd. Óskum við þeim til hamingju með þessar viðurkenningar og sérstakar hamingjuóskir sendum við til Ólafíu með titilinn íþróttamaður ársins 2017, hún er vel að því komin.

 

Á lokahófi Júdósambands Íslands 16. desember 2017 var Þormóður Árni Jónsson úr JR valinn Judomaður ársins og Anna Soffia Víkingsdóttir úr KA judokona árins. Efnilegustu voru þau Aleksandar Lis úr ÍR og Alexander Heiðarsson úr KA. Dómari ársins er Jón Kristinn Sigurðsson og var hann einnig heiðraður með bronsmerki  JSÍ fyrir uppbyggingu dómaramála en hann hefur verið afar ötull við það starf. Einngi var Edda Ósk Tómasdóttir úr KA heiðruð með bronsmerki JSÍ  fyrir  þjálfun og félagsstörf hjá Judodeild KA. Þeir fyrstu sem luku Þjálfari I. hjá JSÍ fengu Diploma því til staðfestingar en það voru þeir Ásgeir Erlendur Ásgeirsson úr ÍR, Einar Örn Hreinsson úr Tindastól og Guðmundur Björn Jónasson úr JR. Það voru þrettán aðilar sem tóku 1. dan á árinu og sex sem tóku 2. dan og auk þeirra voru þeir Bjarni Skúlason úr Ármanni og Hans Rúnar Snorrason úr KA, heiðursgráðaðir í 2. dan. Hér eru allar dan gráðurnar. Sigurður Helgi Jóhannsson úr JR var kjörinn heiðursformaður JSÍ á ársþingi þess 2015. Á uppskeruhátíðinni var honum afhent áletrað stuðlaberg og viðurkenningarskjal því til staðfestingar en hann hafði ekki haft tök á að veita því móttöku fyrr en nú.

Ingunn Rut Sigurðardóttir úr JR og þeir félagar Bjarni Darri Sigfússon og Ægir Már Baldvinsson úr Judodeild Njarðvíkur tóku 1. dan í kvöld og stóðu þau sig öll af stakri prýði. Bjarni Darri og Ægir Már eru fyrstu iðkendurnir hjá UMFN sem taka svartabeltið og Ingunn er fimmta konan hjá JR sem það gerir. Oddur Kjartansson var uke hjá Ingunni og Ægir og Bjarni hjá hvor öðrum. Til hamingju öll með áfangann.

Reykjavík Judo Open verður haldið 27. janúar næstkomandi í Laugardalshöllinni og búist er við fjölda erlendra þátttakenda eins og undanfarin ár. Hér eru úrslitin síðastliðin fimm ár, 2013, 2014, 2015, 2016 og 2017. Nánar hér.

JSÍ verður með dan gráðupróf mánudaginn 11. desember kl. 20:15 og verður það haldið hjá Judofélagi Reykjavíkur að Ármúla 17.
Þeir sem hyggjast þreyta prófið þurfa að sækja um það fyrir 10. desember og senda umsóknina á jsi@jsi.is.
Næsta laugardag þ.e 9. des. verður tækniráð JSÍ með kata námskeið fyrir þá sem ætla sér að fara í dan gráðun og verður það haldið hjá Judofélagi Reykjavíkur frá kl. 11-13.
Hér má finna gráðureglur JSÍ, umsóknarform og aðrar upplýsingar um dan gráðanir eins og Nage no kata.

Egill Blöndal átti hörkuglímu í Tokyo á sunnudaginn er hann mætti Jose Luis Arroyo Osorno frá Perú. Egill byrjaði mjög vel og átti ágætis sóknir en því miður skiluðu þær ekki árangri en þó munaði ekki miklu snemma í viðureigninni og bjargaði Jose sér á magann. Jose  sótti hinsvegar ekki mikið en þegar hann gerði það þá voru þær sóknir beittar og  skiluðu honum wazaari þegar viðureignin var rúmlega hálfnuð og öðru ekki löngu seinna. Egill bætti í og sótti stíft það sem eftir lifði viðureignar og hefði ekki verið ósanngjarnt að Jose hefði verið búinn að fá að minnsta kosti eitt ef ekki tvö shido þegar yfir lauk þar sem hann eiginlega lagðist í vörn til að halda sínu. Að móti loknu tekur Egill þátt í alþjóðlegum æfingabúðum í Tokyo. Hér má sjá viðureignina hans Egils.

Ari Sigfússon og Davíð Víðisson úr JR og Alexander Heiðarsson úr KA fóru í 1. dan próf laugardaginn 2. desember og stóðust allir prófið með sóma. Það er gaman að geta þess að Ari var ekkert að flýta sér í svarta beltið því hann tók brúna beltið 19. desember 1990 eða fyrir 27 árum. Til hamingju allir með áfangann.

Búið er að draga á Tokyo Grand Slam og mætir Egill Blöndal í -90 kg flokknum keppanda frá Perú, Jose Luis Arroyo Osorno. Bendi á að IJF er komið með frábæra nýja síðu til að fylgjast með mótum sem þeir halda. Þar eru allar upplýsingar um keppendur, keppnisröð og úrslit ásamt beinni útsendingu á einum stað.

Egill Blöndal (UMFS) heldur utan á morgun til Japans ásamt Garðari Skaftasyni þjálfarar og mun hann keppa á  Tokyo Grand Slam sem fer fram dagana 2-3 desember. Tokyo Grand Slam er ásamt Paris Grand Slam sterkasta judo mót sem haldið er ár hvert fyrir utan heimsmeistaramótið. Egill keppir næsta sunnudag þ.e  3. desember en hann keppir í -90 kg flokknum þar sem eru 38 þátttakendur og þar á meðal er Aleksandar Kukolj (SRB)  sem er efstur á heimslistanum í þeim flokki. Á eftirfarandi tenglum verður hægt að fylgjast með mótinu hér og hér  og í beinni útsendingu.

Helena Bjarnadóttir vann til bronsverðlauna í dag á Den Helder í Hollandi í U10 +42 kg. Til hamingju Helena. Það gekk upp til hópa mjög vel hjá krökkunum í Den Helder þó svo að ekki hefðu fleiri en Emma og Helena unnið til verðlauna. Þetta er fyrsta mótið hjá þeim erlendis og örugglega ekki það síðasta og algjört ævintýri fyrir þau að sjá og reyna sig við jafnaldra sína þar.  Mikael sem er ekki vanur því að tapa viðureignum vann því miður enga í dag en gerir það bara á næsta móti. Elías og Jónas unnu tvær viðureignir og Hugi og Alli unnu eina hvor. Þjálfurunum þeim Guðmundi, Emil og Þormóði óskum við til hamingju með árangurinn en þeir hafa verið ákaflega ötulir við þjálfun barnanna og sinnt því starfi vel. Óskum einnig foreldrum barnanna til hamingju og þökkum fyrir stuðning þeirra við félagið.