Júdófélag Reykjavíkur

Þormóður í 7. sæti

Bjarni — Mon, 14 May 2012 17:01:07 +0000

Þormóður tapaði fyrstu viðureign sinni gegn Hollendingnum Roy Meyer en hann fékk uppreisn og mætti þá Pólverjanum Damian Nasiadko og vann hann örugglega á ippon en var áður búinn að skora yuko. Þar næst mætti hann öðrum Pólverja, Maciej Sarnacki. Þetta var hörkuglíma og jöfn sem Maciej vann að lokum á refsistigum. Þormóður fékk á sig þrjú refsistig en Maciej tvö en þar að auki hafði Þormóður skorað á hann yuko og var í bullandi sókn þegar tíminn rann út. Maciej Sarnacki endaði í þriðja sæti, Roy Meyer í fimmta sæti og Þormóður í því sjöunda. Úrslit 100 kg Opna Breska 2012

Eyjólfur úr leik

Bjarni — Sat, 12 May 2012 15:08:25 +0000

Eyjólfur keppti í morgun og glímdi við Ken Kennes geysisterkan júdómann frá Belgíu. Því miður var varð Eyjólfur að láta í minni pokann fyrir honum en Ken þessi á flotttan feril, var meðal annars í öðru og þriðja sæti 2011 á EC U20. Ken tapaði þar næstu viðureign svo Eyjólfur fékk ekki uppreisn. Þormóður keppir á morgun og mætir Roy Meyer frá Hollandi en hann er í öðru sæti á Evrópulistanum í þungavigt og vann meðal annars Opna Breska 2011 svo Þormóður hefði getað verið lánsamari með dráttinn en við spyrjum að leikslokum.

Opna Breska

Bjarni — Thu, 10 May 2012 21:06:34 +0000

Þormóður Jónsson heldur af stað til London í fyrramálið og mun keppa á Opna Breska um helgina ásamt Eyjólfi Eyfells sem býr og starfar í London. Eyjólfur keppir á laugardag í -73 kg þyngdarflokki og Þormóður keppir á sunnudaginn í +100 kg þyngdarflokki. Mótið er gríða sterkt meira en 400 þátttakendur frá 27 þjóðum. Þátttaka í mótinu er liður í undirbúningi Þormóðs fyrir Ólympíuleikana en að því loknu taka við strangar æfingar og æfingabúðir, keppni á heimsbikarmóti á Spáni og í Portúgal og EC cup í Prag.

Norðurlandamótið

Bjarni — Wed, 09 May 2012 19:21:54 +0000

Norðurlandamótið verður haldið í Lindesberg í Svíþjóð dagana 26-27 maí. Staðsetningin er afar óhentug og vekur furðu þar sem samkomulag hefur verið um það að halda NM hverju sinni sem næst alþjóðlegum flugvöllum þannig að sem minnst þurfi að ferðast og annar ferðakostnaður í lágmarki þegar komið er til gestaþjóðarinnar. Keppnin fer fram í Lindesberg sem er í um 200-250 km fjarðlægð frá Stokkhólmi en keppendurnir gista hótli í Örebro sem er í 40 km fjarðlægð frá Lindesberg. Ótrúlegt fyrirkomulag. Keppendur frá Íslandi verða mun færri en venjulega og er ástæðan mikill kostnaður og ekki síst staðsetning mótsins. Hér er heildar keppendalistinn en þeir sem fara frá Íslandi eru eftirfarandi auk Yoshihiko Iura sem mun dæma .

Seniorar
Eiríkur Ingi Kristinsson   73 kg
Kristján Jónsson    81 kg
Sveinbjörn Jun Iura   81 kg
Þór Davíðsson                    90 kg
Helga Hansdóttir                63 kg

U20
Kjartan Magnússon       66 kg
Gísli Haraldsson             73 kg
Björn Haraldsson           81 kg
Sævar Róbertsson      100 kg
Helga Hansdóttir         63 kg

U17
Egill Blöndal 81 kg
Logi Haraldsson 81 kg

Opna Krónumótið 2012

Bjarni — Wed, 09 May 2012 19:16:25 +0000

Opna Krónumótið 2012 fyrir börn 6-10 ára.
Júdódeild Ármans heldur mót fyrir börn fædd 2002 til 2006. Ekkert keppnisgjald og allir fá verðlaun. Mótið er haldið hjá JDÁ í Laugardal og hefst klukkan 12 og er áætlað að það taki tvo tíma. Skráning er í höndum þjálfara og eru foreldrar vinsamlegast beðnir um að hafa samband við Ásdísi (861 8108) ef börn þeirra vilja taka þátt í mótinu.
Hún sér um að vigta og skrá börnin til þátttöku.
Ekki er hægt að skrá þátttöku eftir 10 maí.

Sumarfrí
Síðasta æfing hjá 6-10 ára verður þriðjudaginn 22.maí. Þann daginn verður létt æfing, leikir og veitingar að hætti hússins að lokinni æfingu.
Gleðilegt sumar, Ásdís

Þormóður á Ólympíuleikana

Bjarni — Wed, 09 May 2012 12:03:36 +0000

Í dag birti Alþjóða Júdósambandið þátttökulista (Olympic Qualification Lists) þeirra sem náðu að tryggja sér keppnisrétt á Ólymíuleikunum í London í sumar og er Þormóður Jónsson á þeim lista og því ljóst að hann mun keppa fyrir okkar hönd á leikunum. Þetta er því í annað skiptið sem hann keppir á Ólympíuleikum en hann keppti einnig í Peking 2008. Hér er þátttökulistinn í þungavigt á Ólympíuleikunum i London 2012 en þar verða 32 keppendur og er keppt með úrsláttarfyrirkomulagi eins og venjulega en Þormóður komst í þriðju umferð 2008 og var aðeins 40 sekúndum frá því að komast í þá fjórðu og í átta manna úrslit en hann hafði verið yfir í viðureign sinni gegn Rodaki, 160 kg Írana í rúmar fjórar mínútur þegar Rodaki komst í gott færi og skellti Þormóði. Hér er þungavigtin á Ólympíuleikunum i Peking 2008 Íslenskir júdómenn hafa verið þátttakendur á öllum Ólympíleikum síðan 1976 að undanskildum leikunum 200 og 2004 og eru þeir eftirfarandi.

1976 Gísli Þorsteinsson og Viðar Guðjohnsen
1980 Bjarni Friðriksson og Halldór Guðbjörnsson
1984 Bjarni Friðriksson og Kolbeinn Gíslason
1988 Bjarni Friðriksson og Sigurður Bergmann Hauksson
1992 Bjarni Friðriksson, Freyr Gauti Sigmundsson og Sigurður Bergmann Hauksson
1996 Vernharð Þorleifsson
2000 Enginn keppandi
2004 Enginn keppandi
2008 Þormóður Jónsson
2012 Þormóður Jónsson

Til hamingju Þormóður.

Nýr heimslisti

Bjarni — Tue, 01 May 2012 13:11:37 +0000

Nýr heimslisti er kominn út og hefur Þormóður Jónsson færst upp um eitt sæti. Listinn yfir þá sem náðu lágmörkum fyrir Ólympíuleikana í sumar er í vinnslu. Bráðabirgða listi verður birtur 5. maí og lokalisti 10. maí og þá fyrst verður ljóst hvort Þormóður verði meðal keppenda á Ólympíuleikunum í London.

Frí 1. maí 10 ára & yngri

Bjarni — Sun, 29 Apr 2012 18:00:40 +0000

Það verður frí hjá 6-10 ára þriðjudaginn 1. maí og næsta æfing því fimmtudaginn 3. mai.
Það verður æfing hjá framhaldi fullorðinna 1. maí á sama tíma og venjulega eða kl. 18:30.

EM Sveitakeppnin

Bjarni — Sun, 29 Apr 2012 10:50:05 +0000

Evrópumeistaramótið heldur áfram í dag með sveitakeppni en keppni einstaklinga er lokið. Fylgist með bestu júdómönnum í heimi á Judo TV.
Munið að nota Internet Explorer þar sem Firefox vafrinn virkar ekki. Hér neðar er mynd af goðsögnini Skotanum George Kerr 10. Dan (t.h.) í viðtali hjá Sheldon Franco-Rooks.

EM úrslit

Bjarni — Sun, 29 Apr 2012 10:27:17 +0000

Þá er keppni Þormóðs lokið á EM. Því miður komst hann ekki áfram en hann tapaði fyrir Verbij Luuk með fjórum shido. Þormóður fór full rólega af stað og uppskar fljótlega tvö shido en hann sótti í sig veðrið og komst inní glímuna en Luuk varðist vel og bjargaði sér með (gervi sókn) Tomonage sem var nauðvörn hjá honum og hann reyndar notar oft með góðum árangri. Þormóður fékk sitt þriðja shido en þegar stoppað var í fjórða skiptið hélt Hermann að nú yrði Luuk loks refsað fyrir gervi sókn en flestum á óvart var það Þormóður sem fékk sitt fjórða shido og þar með var glíman búin. Hér er þungavigtin á EM 2012. Þegar öll álfumótin eru búin en þau klárast um þessa helgi verður gefinn út lokalisti (líkast til 1. mai.) yfir þá sem unnu sér inn þátttökurétt á Ólympíuleikunum í London í sumar og nú er bara að vona að árangur Þormóðs fram að þessu dugi til en því miður missti hann af flestum úrtökumótunum á þessu ári vegna meiðsla í byrjun árs. Hér má sjá úrslit álfumótanna.